Almatyda jaldamaly páterler men hostelder tekserilip jatyr

ALMATY. QazAqparat – Almatyda «Quqyqtyq tártip» jedel aldyn alý sharasy barysynda tártip saqshylary megapolıstegi jaldamaly páterler, hostelderdi, saıajaı men bazarlardy tekserip jatyr, dep habarlaıdy QazAqparat tilshisi.

Polıtsııa departamentiniń málimetinshe, azamattar úıine kelgen polıtsııanyń nemese áskerı adamdardyń qyzmettik kýáligin kórýge quqyly.

«Bul tekserý qalada júrgizilip jatqan lańkestikke qarsy is-sharalar aıasynda qabyldandy. Azamattar úıine kelgen polıtsııa nemese áskerı qyzmetkerlerinen qyzmettik kýáligin kórsetýdi talap ete alady. Sodan keıin quqyq qorǵaý organdarynyń kezekshi bólimshesine telefon soǵyp sol adam týraly aqparat ala alady»,- deıdi Almaty qalalyq polıtsııa departamentiniń resmı ókili Saltanat Ázirbek.

QR Іshki ister mınıstrliginiń málimetinshe, 15 qańtardan bastap tótenshe jaǵdaı rejımi aıaqtalǵan óńirlerde «Quqyqtyq tártip» jedel-aldyn alý is-sharasy ótkizilip jatyr.

Al 19 qańtardan bastap bul shara Almaty men Nur-Sultan qalalarynda júzege asyrylyp jatyr.

Shara aıasynda óńirlerde:

- quqyq belgileıtin qujattardy tekserý jáne kólik quraldaryn, sonymen qatar jeke tulǵa qujattaryn tekserý, olardyń jeke jáne zattaryn tekserý;

- jaldamaly páterlerdi, ıen turǵan úılerdi, hostelderdi, saıajaı alqaptaryn, bazarlardy, tehnıkalyq qyzmet kórsetý stantsııalaryn, sharýa jáne fermer qojalyqtaryn, shalǵaıdaǵy ýchaskelerdi, qystaqtardy jáne basqa da shalǵaı jerlerdi tekserý;

- atys, travmatıkalyq jáne sýyq qarýdy, oq-dárilerdi, jarylǵysh zattardy jáne t.b. tárkileý;

- belgili bir turǵylyqty jeri joq adamdardy, zańsyz kóship-qonýshylardy anyqtaý;

- buryn sottalǵan jáne ishki ister organdarynda esepte turǵan ózge de adamdardy tekserý.