Almatyda jaldamaly páterden tsıfrlyq tehnıka men áskerı amýnıtsııa tabyldy
ALMATY. QazAqparat – Almaty polıtsııasy jaldamaly páterden tsıfrlyq tehnıka men áskerı qyzmetshiniń amýnıtsııasyn tapty. Bul týraly qala komendatýrasynan málim etti, dep habarlaıdy QazAqparat tilshisi.
Polıtsııa qaladaǵy jalǵa beriletin páterlerdiń birinen 18-25 jas aralyǵyndaǵy 8 adamdy ustady. Olar Taldyqorǵan qalasy men Jambyl oblysynan kelgender bolyp shyqty.
Páterdi tintý barysynda quqyq qorǵaý qyzmetkerleri tsıfrlyq tehnıkalar: teledıdar, planshetter, monobloktar men áskerı amýnıtsııany taýyp, tárkiledi. Ustalǵandardyń aıtýynsha, olar birlese páter jaldap turady jáne qurylys alańynda jumys isteıdi. Al olardyń Almatyda bolýdyń shynaıy sebebi jáne qylmystyq oqıǵalarǵa qatysy bar-joǵy anyqtalý ústinde.
Eske salsaq, buǵan deıin Almaty qalalyq komendatýrasy Polıtsııa departamentiniń ǵımaratyna shabýyl aldyn ala muqııat josparlanǵanyn málim etken bolatyn.
