Almatyda jaqynda taǵy 2 metro stansasy iske qosylady
ALMATY. QazAqparat – Almatyda taıaý kúnderi eki metro – «Saryarqa» jáne «Baýyrjan Momyshuly» stansalary iske qosylady, dep habarlaıdy QazAqparat tilshisi qalalyq máslıhattyń baspasóz qyzmetine silteme jasap.
«Jańa jyl qarsańynda Almatyda T.Rysqulov dańǵyly men Emtsov kóshesiniń qıylysynda jolaıryq ashyldy. Abaı dańǵyly boıymen B. Momyshuly kóshesinen Alataý kóshesine deıin, odan ári qalanyń batys shekarasyna deıin kópten kútken jol qoldanysqa berildi. Taıaý kúnderi eki metro stantsııasynyń tehnıkalyq iske qosylýy bolady: «Saryarqa» jáne «B. Momyshuly», - dep habarlady qalalyq máslıhattyń baspasóz qyzmeti.
Almaty qalalyq máslıhat hatshysy Stanıslav Kankýrov baspasóz qyzmetine málim etkendeı, Kishi Almaty ózeni boıyndaǵy jaıaý júrginshiler aımaǵy men Tiksaı ózeniniń arnasy qaıta jańartyldy.
Sonymen qatar, ol Esentaı ózeniniń boıynda qala turǵyndaryna arnalǵan demalys aımaǵynyń qurylysy jalǵasyp jatqanyn aıtty. Buǵan deıin Almatyda metro jelisi «Altyn orda» bazaryna deıin uzartylatyny týraly jazǵan bolatynbyz.
