Almatyda Jaqsylyq Úshkempirov sheberlik synybyn ótkizdi
ALMATY. QazAqparat - Almatyda tegin kúreske úıretý sharalaryna qoldaý kórsetý maqsatynda dańqty sportshylar sheberlik-synyptaryn ótkizip jatyr, dep habarlaıdy QazAqparat.
«Halyq arenada» uıymdastyrylǵan bul jolǵy sharaǵa Olımpıada chempıony Jaqsylyq Úshkempirov qatysyp, jas palýandarǵa úlgi kórsetti.
«Men óz tájirıbemmen bólisýge árqashan daıynmyn. Árıne, jastarmen ótkiziletin mundaı bir rettik kezdesý azdyq etedi. Biraq, bir sabaq ishinde qandaı psıhologııalyq qupııalar bar, sheberlikti qalaı shyńdaý kerek sekildi biraz dúnıeni túsindirip úlgerýiń qajet. Al ondaı keńester jas palýandarǵa qashan da qajet», - dedi Jaqsylyq Úshkempirov.
Búgingi sheberlik sabaǵy №15 balalar men jasósipirimderge arnalǵan sport mektebiniń oqýshylaryna ǵana emes, barlyq qatysam deýshilerge arnalyp, tegin ótkizildi.
Aıta keteıik, sońǵy ýaqytta Almaty boıynsha kúreske degen qyzyǵýshylyq azaıyp barady. Statıstıka boıynsha, boks pen karatege baratyndar kúrespen shuǵyldanatyndardan 5 ese kóp.
«Qazirgi ýaqytta qalalyq chempıonatqa qatysatyndar 30-40-tan aspaıdy. Al kúresti damytý úshin bul kórsetkish 300-400-ge jetýi kerek. Endi salystyryp kórińiz, eki apta ishinde bizdiń mektebimizge 500 bala kelip jazyldy. Biz damyta beremiz. Almaty ákimdigi bizge 10 boz kilem satyp alyp berdi. Biz orta mektepterde tegin sektsııalar ashamyz. Bizge Saýat Myńbaev jetekshilik etip, Respýblıkalyq kúres federatsııasy, «Halyq arena», «Almaty arena» keshenderiniń basshylyǵy da kómektesedi», - dedi №15 balalar men jasósipirderge arnalǵan sport mektebiniń dırektory, QR Eńbek sińirgen sport sheberi Áset Mámbetov.
