Almatyda jabaıy saýda oryndary joıylady
ALMATY. QazAqparat –Almaty qalasy Jetisý aýdanynyń kóshelerindegi jabaıy saýda joıylady, bul týraly aýdan ákimi Maqsat Qıqymov óziniń Instagram-daǵy paraqshasynda jazdy, dep habarlaıdy QazAqparat tilshisi.
«Búgin jergilikti polıtsııa qyzmetimen birlesip Jetisý aýdanynyń aýmaǵyndaǵy jabaıy saýdaǵa tosqaýyl qoıýdy bastadyq. Іri saýda dúkender men bazarlardyń mańynda stıhııalyq saýda qyzyp tur. Ortalyq kóshe boıynda saýdagerler qoldan jasaǵan sóreleriniń ústine taýarlaryn tizip qoıǵan. Saýda orny antısanıtarııalyq jaǵdaıda. Jan-jaǵy qoqysqa toly. Jabaıy saýda oryndaryndaǵy baqsha daqyldary men sút,et ónimderi sanıtarlyq talapqa saı emes.Satýshylar jeke gıgıenalyq tazalyqty saqtamaǵan. Olarda medıtsınalyq tekserýden ótkendigin dáleldeıtin medıtsına kitapshalary bolmaı shyqty. Saýda jasaýǵa beriletin ruqsat qujattary da joq. Olar úı jaǵdaıynda daıyndalǵan azyq-túlik pen sýsyndar satyp otyr»,- dep jazdy Jetisý aýdanynyń ákimi Maqsat Qıqymov.
Qalalyq ákimdikten habarlaǵandaı, jabaıy saýdany joıý sharalary Almatynyń basqa aýdandarynda da júrip jatyr.
