Almatyda zeınetkerler bı men vokaldy, aspazdyq kýrstardy jaqsy kóredi - Ásııa Maqanova
ALMATY. QazAqparat - Almatyda eki jyl buryn Belsendi uzaq ómir súrý ortalyqtary ashylǵan. Mundaı ortalyqtar zeınetkerlerdiń densaýlyǵyn saqtaý men bos ýaqytyn uıymdastyrýǵa arnalǵan, dep habarlaıdy QazAqparat tilshisi.
Onlaın brıfıng barysynda qalalyq máslıhattyń depýtaty, Belsendi uzaq ómir súrý ortalyqtarynyń jetekshisi Ásııa Maqanova Almaly jáne Áýezov aýdandaryndaǵy Belsendi uzaq ómir súrý ortalyǵyn basqaryp otyrǵanyn aıtty.
«Bizdiń ortalyqtarda zeınetkerler ózderine unaıtyn kásipti taýyp qana qoımaı, jańa dostar taba alady. Bizdiń ár ortalyqqa 300-ge jýyq adam keledi. Zeınetkerler fıtnes, ıogamen aınalysady, shahmat, doıby oınap ýaqyt ótkizedi, skandınavııalyq júrispen aınalysady, olarǵa medıtsınalyq pýnkt qyzmeti kórsetiledi. Qalaýy boıynsha smartfondy, áleýmettik jelilerdi, qajetti DamuMed, eGov qosymshalaryn jáne kompıýterdi meńgerýge, sondaı-aq qazaq jáne aǵylshyn tili kýrstarynan ótýge bolady», - dedi Á. Aqanova.
Almatynyń Belsendi uzaq ómir súrý ortalyqtaryndaǵy sabaqtar emdik dene shynyqtyrýdan bastap psıhologııalyq keńes berýge deıin ár túrli.
Kóbisi ónerdi — bı men vokaldy, sonymen qatar aspazdyq jáne motıvatsııalyq kýrstardy jaqsy kóredi.
Sptker 2018 jyldan bastap ortalyqtarǵa 5 myńnan astam zeınetker kelgenin atap ótti.
«Olardyń psıhologııalyq jaǵdaıy edáýir jaqsardy, olar kópshil bola bastady, densaýlyǵynda belgili bir nátıjeler baıqaldy, óıtkeni mamandar aýrýdyń aldyn alýǵa erekshe nazar aýdarady»,- dedi.
Aıta keteıik, Almatyda búgingi kúni barlyǵy 9 belsendi uzaq ómir súrý ortalyǵy jumys isteıdi.
Olardyń jumysy týraly tolyq aqparatty koll-ortalyqtyń 1308 nómiri arqyly bilýge bolady.
