Almatyda zeınetkerge pyshaqpen shabýyl jasaldy– polıtsııa túsinik berdi
ALMATY. QazAqparat - Almatyda buzaqy zeınetkerge pyshaqpen shabýyl jasady. Ony Radıoelektronıka jəne baılanys əskerı-ınjenerlik ınstıtýtynyń əskerı qyzmetshileri qutqardy. Osy oqıǵaǵa qatysty polıtsııa túsinikteme berdi, dep habarlaıdy QazAqparat tilshisi.
Almaty qalalyq PD baspasóz qyzmetiniń habarlaýynsha, 1948 jyly týǵan Ch. esimdi azamat polıtsııaǵa aryzdandy.
«Bul oqıǵa týraly búgin Qorǵanys mınıstrliginen estidik. Arnaıy tekserý júrgizdik. Onyń jeke basyn anyqtadyq. Sóılestik. Nátıjıesinde zeınetkerdi eshkim tonamaǵany anyqtaldy. Onyń aıtýynsha, 24 sáýirde belgisiz bireý buzaqylyq nıetpen qolyn pyshaqpen tilip, qashyp ketken. Búgin bul fakt sotqa deıingi tergeýdiń biryńǵaı tizilimine QRQK 293 baby - buzaqylyq boıynsha tirkeldi. Qylmystyq protsesti Medeý aýdanynyń aýmaqtyq polıtsııa basqarmasy júzege asyrady. Kúdikti mindetti túrde ustalyp, jaýapqa tartylady «, - dedi Almaty qalasy DP-niń resmı ókili Saltanat Ázirbek.
Zeınetkerdiń aıtýynsha, oqıǵa Ortalyq kolhoz bazary mańynda bolǵan.
«Maǵan 25-30 jas shamasyndaǵy bir jas jigit keldi. Ol menen temeki surady. Men shylym shekpeıtinimdi aıttym, sol kezde ol meniń qolyma jeńil jaraqat salyp, qashyp ketti «, - deıdi zeınetker.
Aıta keteıik, Radıoelektronıka jəne baılanys əskerı-ınjenerlik ınstıtýtynyń əskerı qyzmetshileri Dinmuhamed Altynbek pen Erzat Bekpolov Jangeldın jəne Júrgenov kósheleriniń qıylysynda jatqan egde jastaǵy er adamdy qutqardy.
