Almatyda zeınetkerge qaraqshylyq shabýyldy kimder uıymdastyrǵany belgili boldy
ALMATY. QazAqparat - Almatyda úı satpaq bolyp, habarlama ilgen turǵynnyń basy bálege qaldy, dep habarlaıdy QazAqparat.
Almatynyń Medeý aýdanyna qarasty Halıýlın kóshesinde ornalasqan úılerdiń biriniń 68 jastaǵy turǵyny úsh-tórt kún buryn úıin satatyndyǵy jóninde habarlama ilgen. Osy jaǵdaıdan keıin kúndiz úı satyp almaq bolyp eki adam kelgen.
«Er adam men áıel adam erli-zaıypty ekendikterin aıtyp, úıdiń jertólesin kórsetýdi suraǵan. Al jertólede qylmyskerler zeınetkerdi uryp-soǵyp, baılap tastaǵan. Úıdi tintip shyqqan qylmyskerler ol jerden eshteńe tappaǵan, tek uıaly telefondy ǵana «olja» etken. Aýdandyq polıtsııa bolsa, atalmysh qylmysqa baılanysty jedel-izdestirý komıssııasyn qurdy. Kúdiktiler birden qolǵa tústi. Olar 1996 jyly týǵan S. 1994 jyly týǵan P, jáne 1987 jyly týǵan K. bolyp shyqty. Alǵashqy ekeýi zeınetkerge ózderin erli-zaıypty dep tanystyrǵan jáne olardyń jumysy qylmys jasalyp jatqanda kósheni syrttan baqylap otyrý bolǵan»,-dedi Qylmystyq polıtsııa basqarmasynyń bastyǵy Esen Ysqaqov.
«Qylmystyq toppen aýyz jalasqan áıel adam Qyrǵyzstan azamaty bolyp shyqty. Erler bolsa, Qazaqstannyń túrli aýmaqtarynan kelgen. Kúdiktiler qazir qamaýda otyr, olarǵa QR QK-niń 192 baby, 2 bóligi boıynsha aıyp taǵyldy. ıAǵnı olar qaraqshylyq shabýyl jasaǵan», dep habarlady polıtsııa ókilderi.
Qazir olardyń respýblıkanyń ózge de óńirlerindegi qylmystarǵa qatystylyǵy tekserilýde.
