Almatyda zeınetker jol boıyndaǵy shuńqyrǵa qulap ketti
ALMATY. QazAqparat - Almatyda 77 jastaǵy zeınetker jol boıynda qazylǵan shuńqyrǵa túsip ketti. Qarııa 2 kúnnen soń alǵan jaraqatynan qaıtys boldy, dep habarlaıdy QazAqparat tilshisi.
Qalalyq ІІD baspasóz qyzmeti taratqan aqparatqa sáıkes, qaıǵyly oqıǵa 9 tamyzda Áýezov aýdanyndaǵy «Dostyq» shaǵyn aýdanynda bolǵan.
«Іs materıaldaryna sáıkes, 77 jastaǵy er adam jóndeý jumystaryna qazylǵan shuńqyrǵa qulap ketken. Alǵan jaraqatynan qarııa 2 kún ótken soń №7 qalalyq aýrýhanasynda qaza boldy. Atalǵan derek QR QK 156-babynyń 3-bólimimen sotqa deıingi tergeý isi tizilimine tirkeldi», - dedi baspasóz qyzmetinen.
Áýezov aýdandyq ІІB tergeý amaldaryn júrgizip jatyr.
Oqıǵa ornynda «Alvıs» JShS merdigerlik uıymy jóndeý jumystarymen aınalysyp jatqan.
