Almatyda zardap shekken shaǵyn kásipkerlerge zalaldy óteý tetigi týraly aıtyldy

ALMATY. QazAqparat- Almatyda jappaı tártipsizdikter kezinde shaǵyn jáne orta bıznes sýbektisine keltirilgen múliktik zalaldy óteý sot saraptamasynyń qorytyndysy negizinde de, jeńildetilgen mehanızm boıynsha da júrgiziledi. Bul týraly onlaın brıfıng barysynda qalalyq kásipkerler palatasynyń dırektory Aıtýar Qoshmambetov málim etti, dep habarlaıdy QazAqparat tilshisi.

Onyń aıtýynsha, birinshi jáne ekinshi jaǵdaıda da ótinimge ótinish berýshiniń jeke basyn rastaıtyn qujattar, zańdy tulǵanyń tirkelýi, menshik quqyǵy, múlikti saqtandyrý shartynyń joqtyǵy týraly ótinish, jyljymaıtyn múlikke qujattar, foto jáne beınematerıaldar qosa berilýi qajet.

Birinshi jaǵdaıda ǵımarattar, kólik, jabdyqtar jáne taýarly-materıaldyq qundylyqtar (TMQ) boıynsha sot saraptamasynyń qorytyndysy negizinde óteý somasyn esepteý sot saraptamasynyń qorytyndysy negizinde júrgiziletin bolady.

Múliktiń barlyq túrleri boıynsha belgili bir ótemaqy sheginde zalaldy óteýge talap etý quqyǵyn memleketke berý týraly, sondaı-aq urlanǵan, tabylǵan múlikti memleket menshigine berýden bas tartý jáne berý týraly jazbasha ótinishtiń bolýy mindetti.

«Eger kásipker urlanǵan TMQ qunyn sot saraptamasynyń qorytyndysy negizinde ortasha aılyq aınalymǵa, baǵalaý nátıjeleri men shyǵystar smetasyna sáıkes óteýmen kelispese, oǵan belgili bir ótemaqy sheginde zalaldy óteýge talap etý quqyǵyn memleketke berý týraly, sondaı-aq qylmystyq isti tergeý sheńberinde tabylǵan jáne alyp qoıylǵan urlanǵan múlikti memleket menshigine berýden bas tartý jáne berý týraly qosymsha jazbasha ótinish berý qajet bolady. Jyljymaıtyn múlikti óteý úshin QR QK sheńberinde sot-qurylys saraptamasynyń qorytyndysy, zaqymdalǵan kólik, jabdyq jáne TMQ boıynsha – zalal somasyn aıqyndaý boıynsha sot-býhgalterlik nemese sot-taýartaný saraptamasynyń qorytyndysy talap etiledi», - dep túsindirdi spıker.

Jeńildetilgen tetik boıynsha ǵımarattarǵa ótem somasyn esepteý tehnıkalyq tekserý aktisi, aqaýly vedomost jáne qalpyna keltirýge arnalǵan shyǵystar smetasy negizinde, kólik pen jabdyqqa – baǵalaý týraly esep negizinde, TMQ – ǵa-ortasha aılyq aınalym boıynsha MKK málimetteri negizinde júrgiziledi.

Aıtýar Qoshmambetov sot saraptamasyn júrgizbeı, zardap shekken ShOB sýbektilerine zalaldy jedel óteý úshin qujattar paketin jınaý kerektigin aıtty: múlik ıesin zardap shekken dep taný týraly qaýlynyń kóshirmesi, JK úshin – jeke kýáliginiń kóshirmesi, JK talony, zańdy tulǵany tirkeý týraly qujattyń kóshirmesi, kásipkerdiń qujattardyń durystyǵyna jaýapkershilik týraly eskertilgeni týraly jazbasha habarlamasy, múlik ıesiniń múlik saqtandyrylmaǵany týraly ótinishi, al shart bolǵan kezde – elektrondyq kóshirmesi.

«Jyljymaıtyn múlik úshin zalalǵa qosymsha: jyljymaıtyn múlikke tehpasport, jyljymaıtyn múliktiń joq (bar) ekendigi týraly anyqtama, qol qoıylǵan jáne mórlermen rastalǵan aqaýly vedomost, shyǵystar smetasy, baǵalaý sarapshylarynyń nemese zalaldy aıqyndaýǵa tartylatyn ózge de tulǵalardyń qylmystyq jaýaptylyq týraly eskertilgeni týraly jazbasha habarlamasy, jyljymaıtyn múlik ıesiniń erkin nysandaǵy jazbasha ótinishi qajet»- deıdi ol.

Búlingen kólik pen jabdyq úshin zalaldy óteýge sondaı-aq búlingen nemese joıylǵan jyljymaly múlikti baǵalaý týraly esep, múlikke menshik quqyǵyn rastaıtyn qujattar, baǵalaý sarapshylarynyń nemese zalaldy aıqyndaýǵa tartylatyn ózge de tulǵalardyń qylmystyq jaýaptylyq týraly eskertilgeni týraly jazbasha habarlamasy, kólik quralyn tolyq saqtandyrý shartynyń joqtyǵy týraly jazbasha rastaý talap etiledi.

TMQ boıynsha zalaldy óteý úshin sońǵy jyldaǵy aınalym somalary týraly Memlekettik kiris organdarynan málimetter suraýǵa jáne alýǵa qosymsha kelisim qajet.