Almatyda zardap shekken kásipkerlerge 3 mlrd teńgeden astam qarjy tólendi

ALMATY. QazAqparat- Almatyda zardap shekken kásipkerlerge 3 mlrd teńgeden astam qarjy tólendi, dep habarlaıdy QazAqparat tilshisi.

Qalalyq ákimdik taratqan málimetke sáıkes, shaǵyn jáne orta bıznes sýbektilerine múliktik zalaldy anyqtaý jónindegi aımaqtyq komıssııa otyrysynda kásipkerlerdiń jalpy somasy 827,8 mln teńgege 135 ótinimi maquldandy.

Onyń ishinde 718,1 mln teńge somaǵa 80 ótinim bıýdjet qarajaty esebinen, 109,7 mln teńgege 55 ótinim «Jańa Alataý» qaıyrymdylyq qorynyń qarjysynan tólendi.

«Almaty qalasy boıynsha (komıssııa jumysy bastalǵannan beri) barlyq kezeńde 3 140,4 mln teńge somaǵa 890 ótinim maquldandy, onyń ishinde bıýdjet qarajatynan 2 275,8 mln teńge somaǵa 459 ótinim, «Jańa Alataý» qorynyń qarajysynan 864,6 mln teńge somaǵa 431 ótinim»,- delingen habarlamada.

Almatyda tártipsizdik barysynda jalpy somasy 34,3 mlrd teńgege 1 413 ShOB sýbektisi zardap shekti. «InfoKazahstan» elektrondy platformasyna kásipkerlerden 2 700-den astam ótinim kelip tústi.