Almatyda zardap shekken kásipkerler qandaı kommýnaldyq shyǵyndardan bosatylady

ALMATY. QazAqparat- Almatyda jappaı tártipsizdik kezinde zardap shekken shaǵyn jáne orta bıznes sýbektileri 3 aıǵa kommýnaldyq shyǵyndardan bosatylady. Bul týraly qala ákiminiń orynbasary Іlııas Óserov onlaın brıfıng barysynda aıtty, dep habarlaıdy QazAqparat tilshisi.

«Jergilikti bıýdjet esebinen qandaı shyǵyndar jabylatynyn túsindirgim keledi. Bul - jylý, gaz, sýmen jabdyqtaý, káriz, elektr qýaty. Zardap shekken shaǵyn jáne orta bıznes sýbektileri kommýnaldyq shyǵyndardan 3 aıǵa bosatylady», - dep atap ótti ol.

Sonymen qatar, qala ákiminiń orynbasary ShOB sýbektilerin kommýnaldyq nysandardy jalǵa alý aqysynan 6 aı merzimge bosatylatynyn tilge tıek etti.

«ıAǵnı, qala menshigindegi ǵımataratty jalǵa alyp otyrǵan kásipkerler alty aı merzimge jalǵa alý aqysynan tolyq bosatylady. Jekemenshik nysandarǵa keler bolsaq, bul másele ár nysannyń ıesimen jeke sheshiledi. Qazir jeńildikter boıynsha kelissóz júrgizip jatyrmyz. Búgingi kúni «Silk way»,«Passaj», «TsÝM» saýda ortalyqtary zardap shekkenderdi jaldaý aqysyn tóleýden bosatýǵa daıyn ekenderin jetkizdi»,- deıdi Іlııas Óserov.