Almatyda zardap shekken kásipkerler 3 aı kommýnaldyq qyzmet aqysyn tólemeıdi
ALMATY. QazAqparat - Almatyda zardap shekken shaǵyn jáne orta bıznes sýbektilerine qoldaý kórsetiledi. Bul týraly qala ákimi Baqytjan Saǵyntaev aktıv otyrysynda málimdedi, dep habarlaıdy QazAqparat tilshisi.
Almaty ákimi Baqytjan Saǵyntaevtyń aıtýynsha, ákimdik ShOB sýbektilerine qarjylyq jáne basqa da qoldaý kórsetedi.
«Biz zardap shekken shaǵyn jáne orta bıznes sýbektilerin 3 aıǵa kommýnaldyq shyǵyndardan bosatamyz. ıAǵnı, zardap shekken bıznestiń kommýnaldyq shyǵyndary jergilikti bıýdjet esebinen jabylady. ShOB sýbektilerin kommýnaldyq nysandardy jalǵa alý aqysynan 6 aı merzimge bosatamyz. Biraq, bul másele ár nysanmen jeke sheshiledi. Qazir jalǵa berýshilermen zardap shekken bızneske jeńildikter boıynsha kelissóz júrgizip jatyrmyz», - dedi Almaty ákimi.
Qazirgi ýaqytta «Silk way»,«Passaj», «TsÝM» saýda ortalyqtary zardap shekkenderdi jaldaý aqysyn tóleýden bosatýǵa daıyn ekenderin rastady.
