Almatyda zańsyz júrgen ózbekstandyqtar anyqtaldy
ALMATY. QazAqparat – Almatylyq polıtseıler 16-19 shildede zańsyz mıgrattardy anyqtaý úshin arnaıy reıd júrgiziledi, dep habarlaıdy QazAqparat tilshisi.
Sharanyń birinshi kúni kóshi-qon qyzmetkerleri 235 quqyq buzýshylyqty anyqtap ákimshilik jaýapkershilikke tartty. 107 sheteldikterdiń kelý merzimin qysqartty, elden 82 shetel azamaty shyǵaryldy.
«Kóshi-qon zańnamasyn buzǵandardyń basym bóligi Ózbekstan, Tájikstan elderinen jumys isteýge kelgender. Olar qurylysshylar men qyzmet kórsetý salasynda jumys isteıdi. Tekserý barysynda 171 sheteldiktiń qujattary durys emes, ıaǵnı bizdiń elde júrýge beriletin ruqsat qaǵazdary joq. 47 jumys berýshi men zańdy tulǵalar QR sheteldik jumys kúshin tartýǵa qatysty erejelerdi buzǵany úshin jaýapkershilikke tartyldy. 110 adamnyń jeke basyn kýálandyratyn qujattary joq. Sondaı-aq, zańsyz kóshi-qon qyzmetiniń qujatyn jasaý boıynsha 2 fakti anyqtaldy. Qazir aldyn-ala tergeýdiń biryńǵaı tiziliminde tirkeldi», - dedi Almaty PD kóshi-qon basqarmasynyń bastyǵy Ashat Býtýnchınov.
Sondaı-aq, Medeý aýdanynda 20-dan astam zańsyz ózbekstandyq jumysshysy anyqtaldy. Olar turǵyn úı kesheniniń qurylysyn júrgizip jatyr. Mıgranttardyń qujattary joq. Arnaıy tekserýden keıin is Almaty qalasynyń mamandandyrylǵan aýdanaralyq ákimshilik sotyna jiberiletin bolady.
