Almatyda zańsyz júrgen 600-den astam sheteldik ustaldy
ALMATY. QazAqparat - «Mıgrant» operatsııasynyń barysynda polıtsııa Almatyda zańsyz júrgen 670 shetel azamatyn ustady, dep habarlaıdy QazAqparat.
«Shetel azamattaryna qatysty «ákimshilik hattama toltyrylyp, endi olardy el aýmaǵynan shyǵarý máselesi qaralady. Atalmysh azamattardy elge kirgizýge qolǵabys etken 70-ten astam, sondaı-aq jergilikti bıliktiń ruqsatynsyz sheteldikterdiń jumys kúshin paıdalanǵan 20 Qazaqstan azamaty jaýapqa tartyldy»,-dep habarlady Almaty qalalyq ІІD-niń mıgratsııalyq qyzmet basqarmasynyń shtab bastyǵy Manas Ábýov.
Buǵan qosa, Almatynyń mıgratsııalyq polıtsııa qyzmeti QR QK-niń 393 baby boıynsha «Elden shyǵarý týraly sheshimdi oryndamaý»10 sotqa deıingi tergeý isterin, sondaı-aq memlekettik shekaradan zańsyz ótý, zańsyz kóshi-qondy uıymdastyrý sııaqty isterdi tirkedi.
