Almatyda zańsyz júrgen 344 sheteldik jaýapkershilikke tartyldy

ALMATY. QazAqparat - Jyl basynan beri Almatyǵa 16 myńnan astam sheteldik keldi, – dep habarlaıdy, QazAqparat tilshisi.

Almaty qalalyq Polıtsııa departamentiniń málimetinshe, bıylǵy jyldyń úsh aıynda qalaǵa 16 053 sheteldik azamat keldi

«Qazaqstan Respýblıkasynyń kóshi-qon zańnamasyn buzǵany úshin 4 641 quqyq buzýshy ákimshilik jaýapkershilikke tartyldy, onyń ishinde 344-i shetel azamaty. 81 sheteldik ákimshilik jolmen elden shyǵaryldy. Ákimshilik turǵydan 29 jumys berýshi basqa elderdiń azamattaryn Qazaqstan zańdaryn óreskel buzyp jumysqa qabyldaǵany úshin jazalandy», – dedi Almaty qalalyq PD Kóshi-qon qyzmeti basqarmasynyń bastyǵy Ashat Býtýnchınov.

Eske sala keteıik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa kvota belgileıdi.