Almatyda zańsyz jumys istegen 13 oıyn nysanyna aıyppul salyndy

ALMATY. QazAlmaty - Almatyda zańsyz jumys istep kelgen 13 oıyn nysanyna 23 mln teńge aıyppul salyndy. Bul týraly QazAqparat tilshisine Memlekettik kirister departamentiniń baspasóz qyzmeti habarlady.  

Departament mamandary salyq organdarynda tirkelmegen oıyn nysandary boýlıng, derbes kompıýter, bılıard stoldaryn anyqtaý úshin kóleńkeli ekonomıkamen qalaı kúresip kele jatqandaryn aıtty.

«2017 jyldyń basynan bastap almatylyqtardyń shaǵymyn qarastyra kele 1 358 derbes kompıýter, 145 bılıard stoly esepke qoıyldy. Bul nysandardan aı saıyn qala bıýdjetine 20,5 mln teńge túsip turatyn bolady», - dedi qalalyq MKD basshysynyń mindetin atqarýshy Baltabekov Qanat.

Onyń aıtýynsha, atalǵan nysandardy jasyrǵany úshin 13 mekeme basshysy ákimshilik jazaǵa tartylyp, 23 mln teńge kóleminde aıyp tólemek.

Búginde Almatyda 448 bılıard stoly, 2239 derbes kompıýter tirkelgen.

Oıyn nysandaryna aı saıyn 4 AEK, 25 AEK kóleminde salyq stavkasy belgilengen.