Almatyda zańsyz júgeri satyp, polıtsııaǵa ustalǵan jigit vıdeoǵa túsip qaldy
ALMATY. QazAqparat – Áleýmettik jelide Almatydaǵy Tuńǵysh Prezıdent baǵynda jas jigittiń polıtsııa qyzmetkerlerine ustalǵan vıdeosy paıda boldy. Onyń zańsyz júgeri satqany belgili bolyp otyr, dep habarlaıdy QazAqparat tilshisi.
Qalalyq polıtsııa departamentiniń málimetinshe, Bostandyq aýdanynyń polıtsııa basqarmasynyń jergilikti polıtsııa qyzmeti reıd jumystaryn júrgizgen. Reıd barysynda QR Tuńǵysh Prezıdenti baǵynda jappaı saýda júrgizilip jatqany anyqtalǵan.
«Quqyq buzǵan D. atty azamattyń zańǵa qarsy áreketine tosqaýyl qoıý barysynda ol polıtsııa qyzmetkerleriniń talabyna qarsylyq bildirdi. Sol úshin Ákimshilik kodekstiń 667-baby boıynsha ákimshilik jaýapkershilikke tartyldy», - dep habarlaıdy polıtsııa departamentinen.
Sonymen qatar D-ǵa qatysty Ákimshilik kodekstiń 204-baby 2-bóligi boıynsha da (birneshe ret jasalǵan zańsyz saýda) ákimshilik hattama toltyrylǵan.
