Almatyda zańsyz shyrsha kesetinderge baqylaý kúsheıdi

ALMATY. QazAqparat – Almatynyń tártip saqshylary qylqan japyraqty aǵashtardy zańsyz kesýshilerge qarsy kúresti bastady, dep habarlaıdy QazAqparat tilshisi.

Jańa jyl qarsańynda, naqtyraq aıtsaq 17-31 jeltoqsan aralyǵynda qylqan japyraqty aǵashtardy zańsyz kesý, jınaý, tasymaldaý jáne satýdyń aldyn alý maqsatynda Іle-Alataý ulttyq saıabaǵynyń aýmaǵynda «Shyrsha» jedel aldyn alý is-sharasy ótkizilip jatyr.
«Shyrsha» jedel aldyn alý is-sharasy kezeńinde tabıǵatty qorǵaý zańnamasyn buzýshylardy anyqtaýǵa jáne jolyn kesýge, sondaı-aq bıologııalyq resýrstar nysandary men ónimderiniń zańsyz aınalymyn anyqtaýǵa, ekologııalyq jáne qylmystyq quqyq buzýshylyqtardy ashýǵa baǵyttalǵan maqsatty sharalar kesheni júzege asyrylady», – dedi Bostandyq aýdandyq polıtsııa basqarmasynyń bastyǵy Dýman Aýhadıev.