Almatyda zańsyz saýdalanbaq bolǵan 2 mln maska tárkilendi

NUR-SULTAN. QazAqparat – Almatyda zańsyz túrde 1,5 mıllıon medıtsınalyq maskany satý áreketiniń joly kesildi. Bul týraly QR Sybaılas jemqorlyqqa qarsy is-qımyl agenttiginiń apparat basshysy Qýanysh Japaqov málim etti, dep habarlaıdy QazAqparat tilshisi.

«Almaty qalasy boıynsha departament «Ruqsattar jáne habarlamalar týraly» zańda qarastyrylǵan memlekettik organdardyń tıisti ruqsatynsyz, 174 mıllıon teńge somasyndaǵy 1,5 mıllıon dana medıtsınalyq betperdelerdi satý áreketin toqtatty. Qoımalarda qosymsha 500 myń medıtsınalyq betperde tabylyp, tárkilendi», - dedi ol onlaın tártipte ótken brıfıngte.

Kináli adamǵa qatysty Ákimshilik quqyq buzýshylyq týraly kodekstiń 463-babynyń 1-bóligine sáıkes ákimshilik hattama jasaldy. Tárkilengen 2 mıllıon betperde jergilikti atqarýshy organǵa berildi.

«Shymkent qalasynyń departamenti Ekonomıkalyq tergeý departamentimen birlesip, memlekettik organdardyń tıisti ruqsatyn almaı, jalpy somasy 4 845 000 teńge 26 500 dana medıtsınalyq betperde satýdyń 3 áreketiniń aldyn aldy. Sotpen kináli tulǵalar Ákimshilik quqyq buzýshylyq týraly kodekstiń 463-babynyń 1-bóligi boıynsha ákimshilik jaýapkershilikke tartyldy. Tárkilengen 26 500 betperde jergilikti atqarýshy organǵa tapsyryldy», - dedi Q. Japaqov.