Almatyda zańsyz saýdadan 8,5 mln maska alyndy
ALMATY. QazAqparat - Almatyda zańsyz aınalymnan 8,5 mıllıonǵa jýyq birrettik medıtsınalyq maska tárkilendi, dep habarlaıdy «QazAqparat» HAA tilshisi.
QR Sybaılas jemqorlyqqa qarsy is-qımyl agenttigi Almaty qalasy boıynsha departamentiniń qyzmetkerleri dári-dármekter men maskany zańsyz jetkizýshilerdi anyqtaý boıynsha jumystar júrgizdi.
«Qolǵa alynǵan shara aıasynda Almatyda birqatar reıdter ótkizdik. Dári-dármek tapshylyǵynyń sebebin anyqtaý úshin bizdiń qyzmetkerler «SQ-Farmatsııa» qoımasyn tolyq tekserip shyqty»,– deıdi QR Sybaılas jemqorlyqqa qarsy is-qımyl agenttigi Almaty qalasy boıynsha departamentiniń basshysy Nyǵmetjan Saparov.
Sonymen qatar, ol Sybaılas jemqorlyqqa qarsy is-qımyl agenttiginiń qyzmetkerleri Almatyǵa kelgen gýmanıtarlyq kómekterdiń durys taratylýyn qadaǵalaǵanyn atap ótti.
Budan bólek, zańsyz aınalymnan 8,5 mıllıonǵa jýyq birrettik maska tárkilengen.
«Osy maskalar boıynsha qazirgi ýaqytta tergeý jumystary bastaldy. Tárkilengen medıtsınalyq maskalar arnaıy saraptamadan ótkennen keıin, Almaty qalasynyń ákimdigine tapsyramyz. Olar zańsyz aınalymǵa qaıta túspeýi úshin medıtsınalyq mekemelerge aqysyz jiberiledi dep úmittenemin», - dep atap ótti departament basshysy.
