Almatyda zańsyz satylyp jatqan pırotehnıkalyq ónimder tárkilendi
ALMATY. QazAqparat - Almaty qalalyq TJD eki myńnan astam pırotehnıkalyq ónimdi tárkiledi, dep habarlaıdy QazAqparat tilshisi.
20 jeltoqsannan bastap Almaty qalalyq Tótenshe jaǵdaılar departamentiniń qyzmetkerleri Almaty polıtsııa departamenti, «Nur Otan» partııasy, prokýratýra, aýdandyq ákimdikterdiń qyzmetkerlerimen birlesip, qala aýmaǵynda sapasyz pırotehnıkalyq ónimderdi anyqtaý jáne onyń aınalymyn retteý maqsatymen otshashý satylatyn oryndarǵa 41 reıd jasady. Búginde polıtsııa departamentiniń qyzmetkreleri kontrafaktilik pırotehnıkanyń shamamen 2360 kelisin aldy. 
Almaty qalalyq TJD otshashýlardy turǵyn ǵımarattar men aǵashtardan 20 metr qashyqtyqta qoldaný kerek ekenin, balalarǵa eresekterdiń baqylaýynsyz pırotehnıkany qoldanýǵa tyıym salynǵanyn, raketalar men otshashýlardy adamdarǵa qaraı baǵyttaýǵa, pırotehnıkany qatty jel turǵanda qoldanýǵa bolmaıtynyn eske salady. 
Albert Ahmetov
