Almatyda zańsyz satylǵan pırotehnıkalyq ónimder tárkilendi
ALMATY. QazAqparat – Almatyda Jańa jyl qarsańynda pırotehnıkalyq zattardy satý faktilerin anyqtaý úshin arnaıy reıdter júrgizilip jatyr, dep habarlaıdy QazAqparat tilshisi.
Almatyda 30 jeltoqsan kúni 13 bazar, 7 iri saýda jáne oıyn-saýyq ortalyǵy men «Magnum» sýpermarketteri jáne «Kenjehan» bazarlaryna reıd júrgizildi.
«Reıd barysynda pırotehnıkalyq ónimderdi zańsyz saýdalap jatqan 59 saýda núktesi anyqtalyp, 250 dana pırotehnıkalyq ónim tárkilendi», – dep habarlady Almaty qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasy .
Pırotehnıkalyq zattardy satý erejelerin saqtamaǵan quqyq buzýshylarǵa qatysty 4 hattama toltyryldy. 204 zańsyz saýda núkteleriniń mekenjaıy jergilikti polıtsııa qyzmetine joldandy.
Sondaı-aq, shara barysynda zańsyz kondıterlik ónimderdi satyp jatqan 10 saýda orny anyqtaldy.
Barlyq satýshylar men tutynýshylarǵa mamandar túsindirý jumystaryn júrgizdi. Pırotehnıkalyq buıymdardy durys paıdalaný erejesi jazylǵan 875 broshıýra taratyldy. Reıd kezinde snıýs pen energetıkalyq táttiler anyqtalǵan joq. Reıd jalǵasýda.
