Almatyda zańsyz salynǵan jazǵy kafe súriledi

ALMATY. QazAqparat – Almatyda Nazarbaev dańǵylyndaǵy 240-úıde ornalasqan «Zdes ı seıchas» kafe-barynyń jazǵy terrassasy sot sheshimimen súriletin boldy, dep habarlaıdy QazAqparat tilshisi.

Almaty ákimdiginiń málimetinshe, Bars Holding JShS menshik ıesi memlekettik qorǵa tıesili jerge eshqandaı ruqsat qujatynsyz qosalqy nysan turǵyzǵan.

«2022 jylǵy 28 maýsymda qala qurylysyn baqylaý basqarmasy Almaty qalasynyń mamandandyrylǵan aýdanaralyq ekonomıkalyq sotyna osy qosymsha nysandy buzý týraly talap aryz bergen edi. Sottyń sheshimimen qosalqy nysannyń zańsyz salynǵany jáne ony buzý týraly talap-aryz tolyq kólemde qanaǵattandyryldy», - dep habarlady ákimdik.

7 sáýir, ıaǵnı, búgin sot oryndaýshylarynyń qatysýymen atalmysh nysan súriletin boldy.