Almatyda zańsyz salynǵan tórt qabatty ǵımarat buzyldy
ALMATY. QazAqparat- Almatyda Bógenbaı batyr kóshesi, 24 úı mekenjaıynda ornalasqan zańsyz salynǵan qurylys nysany súrildi, dep habarlaıdy QazAqparat tilshisi.
Almaty qurylysyn baqylaý basqarmasynyń talaby boıynsha turǵyn emes úı-jaılar jónindegi sot protsesteri uzaq ýaqytqa sozyldy. 2022 jylǵy 17 qańtarda Medeý aýdandyq soty óz betinshe salynǵan qurylysty buzý týraly qaýly shyǵardy.
Alaıda keıin apellıatsııalyq shaǵymdar Almaty qalalyq sotynda jáne QR Joǵarǵy Sotynda qaraldy.
«2022 jylǵy 30 qarashada Joǵarǵy sot birinshi satydaǵy sot pen Almaty qalalyq sotynyń qaýlylaryn ózgerissiz qaldyrdy, sodan keıin qaýly qalanyń Ádilet departamentiniń óndirisine tústi»,- delingen ákimdik taratqan aqparatta.
Búgin sot oryndaýshylarynyń qatysýymen ǵımart buzylyp jatyr.
Buǵan deıin Almatyda sottyń sheshimimen iri meıramhana súrilgeni týraly jazǵan edik.
Sondaı-aq megapolıste turǵyn úıge qosymsha salynǵan qurylys nysany men dámhana terrasasynyń súriletini týraly jazǵanbyz.
