Almatyda zańsyz salynǵan iri kólik jýý nysany súrildi
ALMATY. QazAqparat - Almatyda zańsyz salynǵan iri kólik jýý nysany súrildi. Bul týraly qala qurylysyn baqylaý basqarmasy málim etti, dep habarlaıdy QazAqparat tilshisi.
Sot sheshimimen №1 shaǵynaýdany 95A, mekenjaıynda ornalasqan kólik jýý orny buzyldy.
«Jospardan tys tekserý kezinde №1 shaǵynaýdany 95A, mekenjaıynda 22h9 jáne 4h5 metr jer ýchaskesinde ruqsatsyz qurylys júrgizilgeni anyqtaldy. Biz birden sotqa ÁQBtK-niń 319-baby boıynsha (Óndiristik, turǵyn úı, sharýashylyq, gıdrotehnıkalyq (sý sharýashylyǵy) nemese turmystyq obektilerdi jerge tıisti quqyqsyz zańsyz salý) boıynsha talap-aryz berdik. Mamandandyrylǵan aýdanaralyq ákimshilik sotynyń sheshimi boıynsha talap aryzdar tolyǵymen qanaǵattandyryldy», - dep habarlady basqarmadan.
Almaty qalalyq Ádilet departamentiniń qyzmetkerleri sot sheshimin oryndaı otyryp, nysandy buzdy.
