Almatyda zańsyz salynǵan 399 saýda nysany buzylady

ALMATY. QazAqparat - Almatyda 2023 jyldyń sońyna deıin 399 zańsyz saýda nysany súriledi. Bul týraly qala ákimdiginiń baspasóz qyzmetinen málim etti, dep habarlaıdy QazAqparat tilshisi.

Qalanyń kelbetine nuqsan keltiretin, jan-jaǵy abattandyrylmaǵan jáne trotýarlar men jol ýchaskelerine qoqys tastaıtyn zańsyz salynǵan statsıonarlyq emes saýda obektilerine shara qabyldanýda.

Erikti súrýdi júzege asyrý úshin zańsyz salynǵan statsıonarlyq emes saýda obektileri ıelerimen túsindirý jumystary turaqty negizde júrgizilip otyr. Nysan súrilgen soń aýdan ákimdikterimen birlesip, zańsyz obekt ornatylǵan aýmaq retke keltiriledi, qoqystan tazartylady. Monıtorıng qorytyndysy boıynsha, 2022 jyly Almaty qalasy boıynsha jer zańnamasyn, sanıtarlyq, qala qurylysy jáne órt normalaryn buzǵan 500 zańsyz salynǵan statsıonarlyq emes saýda obektisi anyqtaldy. Búginde 101 nysan buzyldy, qalǵandary osy jyldyń sońyna deıin alynyp tastalady.Eske salsaq, Almaty ákimi Erbolat Dosaevtyń tapsyrmasy boıynsha bıyl alǵash ret «Almaty qalasynyń aýmaǵynda jáne qala mańyndaǵy aımaqta statsıonarlyq emes saýda obektilerin ornatý erejeleri» qabyldandy, onda mundaı obektilerdi ornatý tártibi naqty aıqyndalǵan. Nysandardyń beı-bereket ornalasýlaryn boldyrmaý úshin qazirgi ýaqytta «Statsıonarlyq emes saýda obektilerin ornalastyrý syzbasyn» ázirleý aıaqtalýda. Syzba bekitilgennen keıin nysandardy ornatýǵa bolatyn naqty mekenjaılar anyqtalady.