Almatyda zańsyz oıyn bıznesin uıymdastyrǵa erli-zaıypty sottaldy

ALMATY. QazAqparat - Almatyda erli-zaıypty zańsyz oıyn bıznesin uıymdastyrǵany úshin sottaldy, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.

Komıtetiniń Almaty qalasy boıynsha Ekonomıkalyq tergeý departamenti Almaty qalasyndazańsyz oıyn bıznesin uıymdastyrǵan azamattarǵa qatysty sotqa deıingi tergeý amaldaryn aıaqtady.

«Almaty qalasynyń turǵyndary – erli-zaıypty birlese zańsyz oıynhana qyzmetin ashyp, jumys istep kelgen. Atalǵan oıynhanany zańda kórsetilgen jerden tys jerde uıymdastyrǵany anyqtaldy.

Tekseris barysynda zańsyz jumys istep kelgen elektrondy oıynhananyń qyzmeti áshkerelenip, ol jerde oıynshylar men jumysshylar bolǵandyǵy anyqtaldy. Tintý kezinde 18 protsessor, 19 monıtor jáne kassadan 170 000 teńgeden astam qarajat tárkilendi», delingen habarlamada.

Atalǵan qylmysty uıymdastyrýshylar Qylmystyq kodekstiń 307-baby 2-bóligi (zańsyz oıyn bıznesin uıymdastyrý) boıynsha jaýapkershilikke tartylyp, olarǵa 2 jylǵa deıin merzimdegi bas bostandyǵyn shekteý jazasy taǵaıyndaldy.