Almatyda zańsyz ornatylǵan taǵy úsh dúńgirshek buzyldy

ALMATY. QazAqparat - Almatyda statsıonarlyq emes zańsyz saýda nysandaryn buzý jumystary jalǵasyp jatyr, dep habarlaıdy QazAqparat tilshisi.

Qalanyń kelbetine nuqsan keltiretin, jan-jaǵy abattandyrylmaǵan jáne trotýarlar men jol ýchaskelerine qoqys tastaıtyn zańsyz salynǵan statsıonarlyq emes saýda obektilerine shara qabyldanyp jatyr. Almaty qalasy ákimdiginiń habarlaýynsha, «Orbıta-4» shaǵyn aýdanyndaǵy Mustafın men Birjan kósheleriniń qıylysynda zańsyz ornatylǵan úsh dúńgirshek súrildi.

«Almaty qalasy kásipkerlik jáne ınvestıtsııalar basqarmasynyń qyzmetkerleri dúńgirshikterdiń saýda jasaýǵa ruqsat qujattarynyń joq ekenin anyqtady. Zańsyz ornatylǵan saýda nysandarynyń ıelerimen túsindirý jumystary júrgizildi, sodan keıin kásipkerler obektilerdi ózderi súre bastady. Menshik ıeleri ózderi buzbasa, zańsyz ornatylǵan statsıonarlyq emes saýda nysandary májbúrli túrde buzylatyn bolady»,- dep habarlady ákimdikten.

Eske salsaq, Almaty ákimi Erbolat Dosaevtyń tapsyrmasy boıynsha bıyl alǵash ret «Almaty qalasynyń aýmaǵynda jáne qala mańyndaǵy aımaqta statsıonarlyq emes saýda nysandaryn ornatý erejeleri» qabyldandy. Onda statsıonarlyq emes saýda nysandaryn ornatý tártibi naqty aıqyndalǵan. Erejelermen tolyǵyraq myna silteme arqyly tanysýǵa bolady.

Buǵan deıin megapolıste dúńgirshekteri bar jazǵy dámhananyn buzylyp jatqany týraly jazǵan bolatynbyz.