Almatyda zańsyz qoldan jasalatyn dárilerge qarsy kúresýge aranalǵan semınar ótip jatyr
ALMATY. 28 sáýir. QazAqparat /Ádilet Musahaev/ - Almatyda «Dárilik zattardy falsıfıkatsııalaýǵa qarsy kúres. Halyqaralyq tájirıbe» atty bilim berý semınar-trenıngi ótip jatyr.
Sharany uıymdastyrýshylardyń aıtýynsha, zańsyz jasalǵana medıtsınalyq ónim máselesi Qazaqstandy ǵana emes, dúnıe júziniń barlyq elderin alańdatyp, naýqastardyń ómiri men densaýlyǵyna qaýip tóndirýde. «QR Densaýlyq saqtaý mınıstrligimen 2011 jyly atqarylyp jatqan baǵdarlamalarynyń ishindegi basty baǵyttarynyń biri eldi sapaly, ári qol jetimdi dári-dármekpen qamtamasyz etý. Naýqastardyń sapaly dárini qabyldaýy, olardyń tez jazylýyna ákeletini sózsiz. Sondyqtan qoldan zańsyz jasalyp, tarap jatqan dári-dármekpen kúresti kúsheıtý maqsatynda búgingi sharany uıymdastyryp otyrmyz», -deıdi QR Densaýlyq saqtaý mınstrliginiń Medıtsınalyq jáne farmatsevtıkalyq qyzmetti baqylaý komıteti tóraǵasynyń orynbasary Larısa Pak.
Sáýirdiń 29-yna deıin jalǵasatyn semınar barysynda qatysýshylar memleketaralyq, halyqaralyq, tártiparalyq shoǵyrlanǵan kúsh salysý men farmatsevtıkalyq naryqtyń densaýlyq saqtaý organdary, emdik dári-dármekterdiń sapasyn baqylaý organdary, kedendik baqylaý organdary, ishki ister organdary men farmatsevtıkalyq óndirýshilerdiń qatysýymen jasandy ónimniń taralýyna qarsylasý boıynsha keshendi sharalardy qabyldaý máseleleri qaralyp, óz oılarymen bólisýde.
Atalǵan sharaǵa Interpol, QR halyqaralyq farmatsevtıkalyq óndirýshiler qaýymdastyǵynyń ókilderi, kedendik baqylaý, qarjy polıtsııasynyń ókilderi men halyqaralyq sarapshylar jáne Sechenov atyndaǵy MMMÝ-niń professorlary qatysýda.
