Almatyda zańsyz dúńgirshekter súrilip jatyr
ALMATY. QazAqparat - Almaty qalasy ákimdiginiń habarlaýynsha, qalada búgingi kúnge deıin zańsyz ornatylǵan 1000-ǵa jýyq dúńgirshekter súrilip tastalǵan, dep habarlaıdy QazAqparat tilshisi.
Statsıonarlyq emes zańsyz saýda nysandaryn buzý jumystary áli de jalǵasyp jatyr. Sonymen qatar, qaıta jóndeýdi qajet etip turǵan dúńgirshekter de anyqtaldy. Talap boıynsha, dúńgirshektiń tıisti qujattary joq bolǵan jaǵdaıda jáne qalany abattandyrý erejesine sáıkes bolmaǵanda, sanıtarlyq-epıdemıologııalyq qaýipsizdik talaptaryna sáıkes bolmaǵanda ony súrip tastaý týraly sheshim qabyldanady.
«Bul bıznes ıeleri kórsetilip otyrǵan qyzmet túrleri talapqa sáıkes emestigimen kelisip, ony qaıta montajdaý jumystaryn júrgizýge óz erikterimen kelisip otyr. Basty nazar, doner jáne tez ázirlenetin tamaqtar daıyndaıtyn dúńgirshekterde, sebebi olar sanıtarlyq-epıdemıologııalyq talaptarǵa sáıkes kelmeı, qala turǵyndary men qonaqtarynyń densaýlyqtaryna da keri áser etedi», - deıdi qalalyq kásipkerlik jáne ındýstrıaldy-ınnovatsııalyq damý basqarmasynan.
Qalalyq ákimdiktiń aıtýynsha, 2017 jyldan beri 1100 dúńgirshek súrildi. Osy ýaqyt aralyǵynda barlyǵy 1450 dúńgirshek anyqtalǵan. Qalǵan 350-diń 150-i qaıta ornatylǵan bolsa, onyń 200 dóńgelek jóndeý oryndary.
