Almatyda zańsyz ákelingen kólikterdi paıdalanýǵa qarsy «Tranzıt» sharasy qolǵa alyndy
ALMATY. QazAqparat - Almaty qalalyq ІІB men kedendik baqylaý departamenti syrttan zańsyz ákelingen, qalada júrýine tyıym salynǵan kólikterdi paıdalanýǵa qarsy «Tranzıt» sharasyn júzege asyrýda.
Aqpannyń 26-synan naýryzdyń 2-ne deıin jalǵasatyn sharada kólik bazarlary men kólik kóp shoǵyrlanǵan oryndar tekseriletin bolady.
«Tekserý barysynda «jol qozǵalysy qaýipsizdigi» júıesiniń avtomatty beınebaqylaýyna túsken jol qozǵalysy erejesin buzý faktileri de eskeriledi. Ár anyqtalǵan derek boıynsha ákimshilik shara qoldanylady. Sondaı-aq, halyq arasynda keń kólemde túsindirý jumystary da júrgizilmek, - dedi Almaty qalasy ІІD ákimshilik polıtsııa basqarmasy basshysynyń orynbasary, polıtsııa podpolkovnıgi Jandos Muratalıev.
Sondaı-aq, Almaty qalalyq ІІD baspasóz qyzmetiniń málimdeýinshe, kedendik baqylaý departamenti qyzmetkerleri anyqtalǵan kólikterdiń Qazaqstanda paıdalanylýyna ruqsat bar-joqtyǵyn tekseretin bolady.
