Almatyda zańsyz aǵash keskender qatań jazalanady
ALMATY. QazAqparat - Almatyda aǵashtardy zańsyz kesýmen kúres týraly «Nur Otan» partııasy fılıalynyń baspasóz brıfınginde aıtyldy, dep habarlaıdy QazAqparat tilshisi.
Aǵashtardy zańsyz shabatyn azamattar men uıymdar alǵanyn eki ese etip qaıtaratyn bolady. Bul týraly Almaty oblysynyń tabıǵı resýrstar jáne tabıǵat paıdalanýdy retteý basqarmasynyń bastyǵy Əset Masabaev aıtyp berdi.
«Aǵash kesýmen zańsyz aınalysatyn adamdardy jazalaýda qıyndyqtar jıi bolyp turady. Bıyl aǵash keskeni úshin jazany qataıtýdy qarastyratyn normatıvtik aktiler jobasyn jasadyq. Aǵashtyń uzyndyǵy men dıametrin, tuqymyn anyqtadyq. Buryn bir tal kesse, úsh tal egý kerek degen uıǵarym bolǵan. Biraq tuqymy men dıametri aıtylmaıtyn. Bıyl ol ereje normasyna kesilgen aǵashtyń uzyndyǵy, tuqymy, sondaı-aq belgilengen ýaqyt kóleminde oǵan kútim jasaýyn mindetteýdi kirgizemiz. Jobany shilde aıynda məslıhatqa engizemiz, tamyz aıynda məsele qaralady», -dedi Əset Masabaev.
Byltyr zańsyzdyqqa barǵandar qaladaǵy birqatar kóshelerdiń boıyna aǵash egip, jazasyn ótedi.
«Olardy iri aǵash otyrǵyzýǵa mindettedik. Bıyl quqyqbuzýshylyqtar jeke aımaqtarda anyqtalǵany bolmasa, faktiler az. Zańsyzdyqtardy retteımiz. Jergilikti polıtsııa qyzmetkerlerimen, aýdan əkimdigimen birigip jumys jasap jatyrmyz»,- dedi basqarma basshysy.
Sondaı-aq bıyl aǵash kesýge ruqsat alǵandar da tabıǵatqa keltirgen zııanynyń ornyn toltyratyn bolady. Kesilgen aǵashtyń qaıtarymy 5-ten 10-ǵa deıin ósetin bolady.
