Almatyda zańsyz aǵash kesken kompanııalar tizimi ákimdiktiń saıtynda jarııalanady
ALMATY. QazAqparat – Aǵashtardy zańsyz kesken mekemelerdiń ataýy Almaty qalasy jasyl ekonomıka basqarmasynyń saıtynda jarııalanady. Bul týraly atalǵan basqarma basyshysy Natalıa Lıvınskaıa málim etti, dep habarlaıdy QazAqparat tilshisi.
Spıkerdiń aıtýynsha, qazir saıtqa ornalastyrý jumystary júrgizilip jatyr.
«Jaqynda aǵashtardy zańsyz kesken uıymdardyń tizimi saıtta jarııalanady. Biz sondaı-aq sarapshylarmen sóılesip, oryn ázirledik, jarııalaýǵa daıynbyz «, - dedi Natalıa Lıvınskaıa.
Eske sala ketsek, ótken jyly 23 qarasha túnde Almatyda saýda úıiniń janyndaǵy jaıqalǵan emen men qaraǵash otaldy. Bul týraly turǵyndar áleýmettik jelide narazylyq bildirdi .
Keıin Almaty qalalyq jasyl ekonomıka basqarmasy saýda úıiniń aldyndaǵy aǵashtardyń jappaı kesilýiniń mán-jaıyn anyqtady .
Prezıdent Qasym-Jomart Toqaev Almaty qalasy Tóle bı kóshesindegi aǵashtardyń otalýyna nazar aýdardy.
Memleket basshysy Almaty ákimi Baqytjan Saǵyntaevqa atalǵan jaǵdaıǵa baılanysty qyzmettik tekserý júrgizip, kinálilerdi jaýapkershilikke tartýdy tapsyrdy .
24 qarasha kúni qala ákimi Baqytjan Saǵyntaev máseleni óz baqylaýyna alǵanyn málim etti.
Búginde is sotqa jiberilgen.
