Almatyda zańsyz 6 qoqys orny anyqtaldy
Spıkerdiń sózinshe, qazirgi ýaqytta olardyń barlyǵy joıylǵan. Byltyr 12 ruqsat etilmegen qaldyqtar orny anyqtaldy.
«Almaty qalasy boıynsha Ekologııa departamenti 2022 jyly 98 tekserý júrgizdi. Onyń ishinde 13 sýbekt profılaktıkalyq baqylaý boıynsha tekserildi, jospardan tys – 32 jáne ózge de nysandar - 53. Anyqtalǵan buzýshylyqty ýaqytynda oryndamaǵany úshin birqatar nysan ıelerine Qazaqstan Respýblıkasy Ákimshilik quqyq buzýshylyq kodekisiniń (QR ÁQBK) 462-baby 3-bóligi boıynsha hattamalar resimdeldi jáne materıaldar Almaty qalasynyń mamandarylǵan aýdanaralyq ákimshilik sotyna jiberildi. Sot qaýlysymen jalpy somasy 2 700 535 teńgege 5 ákimshilik jaza qoldanyldy», – dedi Ekologııa departamenti basshysy orynbasarynyń mindetin atqarýshy Erlan Jaqııanov.
Sonymen qatar ol Ekologııa departameti, Polıtsııa jáne Almaty qalasynyń mamandandyrylǵan tabıǵatty qorǵaý prokýratýrasymen birlesip «Taza aýa» atty reıd ótkizgenin tilge tıek etti.
«Reıdtik is-shara barysynda 112 avtokólikten synama alyndy. Ólsheý nátıjeleri boıynsha 11 júrgizýshige eskertý berildi, 5 júrgizýshige 214 410 teńge aıyppul salyndy», - dedi ol.