Almatyda zańger áıeldi kúıeýimen birge soqqyǵa jyǵý isin prokýratýra qaraıtyn boldy
ASTANA. QazAqparat - Almatyda zańger Anna Dmıtrıevıch pen onyń kúıeýi Oleg Chernovty soqqyǵa jyqqan, dep habarlaıdy QazAqparat Polisia.kz saıtyna silteme jasap.
Anna Dmıtrıevıchtiń sózinshe, erli-zaıypty keshkisin taksıge otyrmaq bolǵan. Sol sátte olarǵa bir jas jigit kelip, qyz balany bireýdiń aıaýsyz uryp jatqanyn aıtyp, kómek suraǵan.
«Biz oılanbastan kómekke baryp, qyzdy uryp jatqan jigitti toqtatpaq boldyq. Qyz bala meni qushaqtap, «kómektesińiz» dep jan ushyra aıqaılap jatty. Sol sátte álgi jigit qyzdy qoıyp, bizge qol jumsaı bastady. Kúıeýim qatty soqqydan jerge qulady. Ol turmaq bolǵan kezde buzaqy onyń basynan dop tepkendeı tebe bastady. Sondaı-aq kúres tásilderine salyp, birneshe ret laqtyrdy da»,-dedi Anna.
Almaty qalalyq Polıtsııa departamenti atalǵan derek QR QK-niń 293-baby «Buzaqylyq» boıynsha sotqa deıingi tergeýdiń biryńǵaı tizilimine tirkelgenin habarlady.
Qylmystyq is boıynsha alǵashqy tergeý áreketteri júrgizilip, saraptamalar taǵaıyndaldy.
«Kúdikti áskerı adam bolǵandyqtan, qazir is materıaldarynyń mán-jaıyn anyqtaý úshin qalalyq Prokýratýraǵa jiberildi»,-delingen habarlamada.
