Almatyda zańdy tulǵalarǵa qyzmet kórsetetin HQO ashyldy
ALMATY. QazAqparat – Almatyda Naýryzbaı aýdanynda shaǵyn jáne orta bıznes ókilderi úshin qyzmet kórsetý ortalyǵy ashylady, dep habarlaıdy QazAqparat tilshisi.
Ǵımarat Shuǵyla shaǵyn aýdany, 347/1 mekenjaıynda ornalasqan.
Mundaı sheshimdi QR Prezıdentiniń janyndaǵy tótenshe jaǵdaıdy qamtamasyz etý jónindegi memlekettik komıssııa qabyldady. Komıssııa 20 sáýirden bastap Nur-Sultan jáne Almaty qalalarynda jumysyn jandandyratyn qyzmet túrleriniń tizimin bekitti. Oǵan sáıkes Almatyda zańdy tulǵalarǵa qyzmet kórsetý úshin bir HQO-ny ashý týraly sheshim qabyldandy.
Dúısenbiden jumaǵa deıin saǵat 9.00-16.00 aralyǵynda kásipkerler HQO-da bıznesti júrgizýmen baılanysty qyzmetterdi, sonyń ishinde jyljymaly/jyljymaıtyn múliktiń kepil shartyn jáne onyń qosymshasyn tirkeı alady. Olarǵa qyzmet kórsetý úshin front-ofıste 20-ǵa jýyq maman jumys isteıdi.
Ortalyqta adamdardyń kóp jınalýyn boldyrmaý úshin HQO tek Almaty ákimdiginen aldyn-ala berilgen, nesıelendirý boıynsha oń sheshim alǵan uıymdardyń tizimine sáıkes jumys isteıdi. Azamattarǵa arnalǵan úkimet memlekettik qyzmetterdiń ýaqytyly ári sapaly kórsetilýi úshin bıznes ókilderinen qujattardyń tolyq paketin birden usynýǵa keńes beredi.
Sanıtarlyq-epıdemıologııalyq rejımdi saqtaý maqsatynda memlekettik korporatsııa qyzmetkerleri maskalarmen, qolǵaptarmen, antıseptıktermen qamtamasyz etilgen. HQO-ǵa barýshylar betperde kııý tártibin saqtaýlary shart.
