Almatyda zańdy tulǵalardyń kóbi kóterme jáne bólshek saýda salasynda jumys isteıdi

ALMATY. QazAqparat - Almaty qalasynda 131 myń 683 zańdy tulǵa tirkelgen, dep habarlaıdy QazAqparat tilshisi.

QR Strategııalyq josparlaý jáne reformalar agenttigine qarasty ulttyq statıstıka bıýrosy Almaty qalasy boıynsha departamentiniń málimetine súıensek, 1 qazandaǵy jaǵdaı boıynsha Almaty qalasynda 131 myń 683 zańdy tulǵa tirkelgen.

Eń kóp tirkelgen zańdy tulǵalardyń sany kóterme jáne bólshek saýdada (avtomobılder men mototsıklderdi jóndeýdi qosa alǵanda) saqtalǵan, olardyń úlesi - 33,4%.

Ekinshi orynda – kórsetiletin qyzmetterdiń ózge de túrlerin usyný (12,5%).

Úshinshi orynda – kásibı, ǵylymı jáne tehnıkalyq qyzmet (9,5%).

Osy úsh qyzmet túrleriniń jıyntyq úlesi barlyq tirkelgen zańdy tulǵalardyń 55,4%-yn quraıdy.

Jumys isteıtin zańdy tulǵalar - tirkelgen zańdy tulǵalar sanynyń 65 paıyzy.

Sondaı-aq, Almatyda zańdy tulǵalar ishindegi jalpy basshylar sanynyń 32,1 paıyzy - áıelder.

Áıel basqaratyn zańdy tulǵalardyń negizgi ekonomıkalyq qyzmet túrleri:

• bilim berý (60,3%);

• densaýlyq saqtaý jáne halyqqa áleýmettik qyzmet kórsetý (49,9%);

• jyljymaıtyn múlikpen jasalatyn operatsııalar (40,4%);

• turý jáne tamaqtaný boıynsha qyzmet kórsetý (39,5%);

• kásibı, ǵylymı jáne tehnıkalyq qyzmet (38,4%).