Almatyda Zámzágúl Sháripovanyń 80 jasqa tolýyna arnalǵan mereıtoılyq kesh ótti
ALMATY. 31 qazan. QazAqparat /Erlik Erjanuly/ - Teatr men kınoda talaı jarqyn beınelerdi somdap, qazaq óneriniń tarıhyna endińiz.
29 qazan kúni Almatydaǵy Qazaqtyń Muhtar Áýezov atyndaǵy akademııalyq drama teatrynda ótken QR Halyq artısi Zámzágúl Sháripovanyń 80 jasqa tolýyna arnalǵan mereıtoılyq keshte osylaı aıtyldy.
"Táýelsiz Qazaqstannyń mádenıeti men ónerine siz qosqan úles áli de azaımaıdy. Osylaı bolady dep senemin",- degen QR Memlekettik hatshysy Qanat Saýdabaevtyń quttyqtaý hatyn QR Teatr qaıratkerleri odaǵynyń tóraǵasy Tuńǵyshbaı Jamanqulov oqyp berdi. Mundaı hatty Zámzágúl Núsipbaıqyzyna QR Mádenıet mınıstri Muhtar Qul-Muhamed te joldapty. "Qazirgi qazaq qaýymy sizdi ulttyq teatrymyz ben kınomyzdyń kórnekti tulǵasy, ult mádenıetiniń órkendeýine ólsheýsiz úles qosqan qarymdy qaıratker retinde biledi", - deıdi Muhtar Abraruly. Áıgili óner maıtalmanyna óziniń júrekjardy tilegin Máskeýdiń úlken teatrynyń kórkemdik jetekshisi men Almaty oblysy Jambyl aýdanynyń ákimi de jiberipti. Al Sháken Aımanov atyndaǵy Qazaqfılm kınostýdııasy men Qazaqtyń Ǵabıt Músirepov atyndaǵy balalar men jasóspirimder teatrynyń jetekshileri óz ókilderin jiberip, syı-sııapattaryn tabys etti.
