Almatyda zamanaýı sport-medıtsınalyq ortalyq ashyldy
ALMATY. QazAqparat – Búkilálemdik boks akademııasy men ProSport medıtsınalyq ortalyǵynyń bazasynda «Joǵary deńgeıli sportshylardy daıyndaý júıesindegi medıtsınalyq qamtýǵa mýltıdıstsıplınarly tásil» atty ǵylymı-tájirıbelik konferentsııa ótti. Aıta keterligi, sporttyq medıtsına taqyrybyndaǵy aýqymdy is-shara Qazaqstanda alǵash ret uıymdastyrylyp otyr, dep habarlaıdy QazAqparat.
Konferentsııany Qazaqstan Ulttyq Olımpıada komıteti «Olımpıadalyq yntymaqtastyq» baǵdarlamasynyń qoldaýymen uıymdastyrdy. Sondaı-aq, bul jıyn PROSPORT zamanaýı sport ortalyǵynyń ashylýyna oraılastyrylǵan. Al ortalyqtyń ashylý saltanatyna Halyqaralyq dzıýdo federatsııasynyń prezıdenti Marıýs Vızer, Qazaqstan UOK vıtse-prezıdenti Danııar Abýlgazın, QR mádenıet jáne sport vıtse-mınıstri Eldos Ramazanov qatysty.
Sport-medıtsınalyq ortalyq jańa tehnıkalyq jabdyqtarmen, qyzmet kórsetý aýqymynyń keńdigimen erekshelenedi. Munda álemdik deńgeıdegi sportshylar men salaýatty ómir saltyn ustanatyn qarapaıym azamattarǵa sapaly dıagnostıkalyq, medıtsınalyq jáne reabılıtatsııalyq qyzmet kórsetýge múmkindik beredi.
«Jaqynda UOK Bas Assambleıasynyń otyrysynda Tımýr Qulybaev atalǵan qurylymnyń prezıdenti qyzmetine qaıta saılandy. Alǵash ret 2015 jyly basshylyq qyzmetke saılanǵannan bastap Tımýr Asqaruly bizdiń sportshylardy medıtsınalyq turǵydan qamtamasyz etýge basa nazar aýdaryp keledi. PROSPORT medıtsınalyq ortalyǵy - bizdiń alǵashqy qarlyǵashymyz. Ekinshi ortalyq Nur-Sultanda bolady. Al búgingi konferentsııaǵa biz álemdik deńgeıdegi spıkerlerdi shaqyryp, onda sporttyq medıtsınadaǵy jańa trendter men ózgerister talqylandy»,- dedi Qazaqstan Ulttyq Olımpıadalyq komıtetiniń vıtse-prezıdenti Danııar Abýlgazın.
Konferentsııa barysynda HOK ókili, Aspetara sporttyq medıtsına ortalyǵynyń klınıkalyq jobalar jónindegi reabılıtatsııa jáne ortopedııa gospıtali sapasy jónindegi Departament dırektorynyń orynbasary Rod Ýaıtlı, Búkilálemdik dopıngke qarsy agenttik múshesi doktor Iork Olaf Shýmaher, Halyqaralyq Olımpıada komıtetiniń medıtsına jáne ǵylymı komıssııasynyń múshesi, Braıton ýnıversıtetiniń sporttyq ǵylym jónindegi professory ıAnıs Pıtsıladıs, Ýkraına dene tárbıesi jáne sport ulttyq ýnıversıtetiniń olımpıadalyq sport tarıhy men teorııasy kafedrasynyń professory Vladımır Platonovtar sóz sóıledi.
«Mundaı konferentsııalardy ótkizýdiń paıdasy zor. Máseleni osy taqyryptardy talqylap, áriptestik qatynas ornatý úshin álemdik mamandardyń basyn qosý óte mańyzdy is sanalady. Osylaısha, biz birlesip jumys istap, aımaqtardaǵy qyzmettiń damýyna úlken úles qosamyz. Demeýshiler men óndiristiń, sporttyq federatsııalar men olımpıadalyq qozǵalystyń qatysýynsyz biz progreske qol jetkize almaımyz», - deıdi Braıton ýnıversıtetiniń sporttyq ǵylym jónindegi professory ıAnıs Pıtsıladıs.
