Almatyda zamanaýı gaz quıý stansasy salynady
ALMATY. QazAqparat - Almatyda zamanaýı gaz quıý stansasynyń qurylysy bastalady. Mundaı ýaǵdalastyqqa «Almaty» áleýmettik-kásipkerlik korporatsııasynyń basqarma tóraǵasy Murat Dáribaev pen jobanyń jeke ınvestory «Auto Life» JShS dırektory Andreı Cherednıkov qol qoıdy.
Ekijaqty memorandým aıasynda 4 jer ýchaskesin bólý týraly kelisim jasaldy.
Zamanaýı avtogaz quıý stansasyn salýǵa 180 mln teńge baǵyttalmaq. Stansany salý «Almaty» áleýmettik-kásipkerlik korporatsııasynyń qalanyń atmosferasyn jaqsartý jolyndaǵy basym baǵyttarynyń biri bolyp otyr.
Mamandardyń aıtýynsha, tabıǵı gaz benzın men dızelden 2-3 ese arzan ári tabıǵatqa keltiretin zııany da az. Ári 1-1,5 jyl ishinde belsendi jumys júrgizilse, salynǵan shyǵyndar ózin ózi aqtaıdy.
Joba «Almaty-2020» baǵdarlamasy aıasynda júzege aspaq.
