Almatyda zamanaýı fılologııa ǵylymdarynyń ózekti máselelerin saralaǵan halyqaralyq konferentsııa ótip jatyr

Máslıhatty Abaı atyndaǵy QazUPÝ-diń Magıstratýra jáne PhD doktorantýra ınstıtýtynyń fılologııa mamandyqtary kafedrasy uıymdastyryp otyr. Bul shara qazaq til biliminiń qalyptasýyna qomaqty úles qosqan, sonyń ishinde qazaq tiliniń sózjasamdyq qurylymynyń negizin qalaýshylardyń biri, belgili lıngvıst-ǵalym, fılologııa ǵylymdarynyń doktory, professor Nurjamal Oralbaevanyń 85 jyldyq mereıtoıyna arnalǵan.

Tek qazaq tilindegi ǵana emes, jalpy til bilimindegi jańǵyrtpa zertteýler talqylanatyn bul konferentsııa jumysy 7 ǵylymı baǵyt boıynsha júrgizilmek. Olar: «Professor N.Oralbaı jáne qazaq tili grammatıkasy men ádisteme máseleleri», «Tildi zertteýdiń qoldanbaly jáne kommýnıkatıvti-pragmatıkalyq aspektileri», «Til teorııasy jáne tildi júıeli - qurylymdy sıpattaýdaǵy jańashyldyq», «Salystyrmaly til biliminiń, mádenıetaralyq kommýnıkatsııa men aýdarmanyń ózekti máseleleri», «Tildiń kontseptilik aıasy jáne mentaldylyq», «Fılologııalyq pánderdi oqytýdyń ınnovatsııalyq teorııasy men tehnologııalary», «Kórkem mátindi fılologııalyq taldaýdyń qazirgi aspektileri» dep atalady.