Almatyda «ıÝjnyı» saıabaǵyndaǵy jer ýchaskesi memleketke qaıtarylady

ALMATY. QazAqparat - Turǵyndardyń ótinishi boıynsha «ıÝjnyı» saıabaǵyndaǵy jer ýchaskesin qaıtarý jumystary júrgizilip jatyr. Bul týraly Almaty ákimi Erbolat Dosaev Bostandyq aýdanynyń turǵyndarymen kezdesýde málim etti, dep habarlaıdy QazAqparat tilshisi.

«Bıyl 19 sáýir kúni Almaty qalasynyń ákimdigi osy ýchaskeni alyp týraly qaýly qabyldady, biraq ıesi ótemaqy somasymen kelispedi. Sondyqtan ákimdik ekonomıkalyq sotqa memlekettik múlik úshin jer ýchaskesin májbúrlep alyp qoıý týraly talap aryz túsirdi. Oń sheshim qabyldanǵan jaǵdaıda «ıÝjnyı» parkiniń aýmaǵy 2,8 ga ulǵaıady», – dedi Erbolat Dosaev.

Sonymen qatar ol Almaty qalasy ákimdiginiń Jarokov – Levıtan kóshesindegi aýdany 30 sotyq jer ýchaskesin alyp qoıý týraly qaýly qabyldanǵanyn atap ótti.

«Bul aýmaqta 2023 jyldyń qazan aıyna deıin aýdan turǵyndarynyń bos ýaqyty men demalysy úshin sporttyq, balalar jáne workout alańdary ashylady», - dedi Almaty ákimi.