Almatyda Ybyraı Altynsarınniń 180 jyldyǵyna arnalǵan kesh ótti
Ybyraı Altynsarınniń 180 jyldyǵyna arnalǵan sharany Almatydaǵy №57 orta mektebi uıymdastyrdy. Kesh onlaın rejımde ótti. Oǵan atalǵan bilim mekemesiniń 5 synyp oqýshylary qatysty.
«Sharanyń maqsaty – oqýshylardyń aǵartýshy, ustaz Ybyraı Altynsarınniń shyǵarmashylyǵyna degen qyzyǵýshylyǵyn oıatý, ulttyq maqtanysh sezimin, ulttyq biregeılikti qalyptastyrý», - deıdi uıymdastyrýshylar.
Onlaın kesh barysynda qatysýshylar Ybyraı Altynsarınniń shyǵarmashylyǵymen tanysyp, suraqtarǵa jaýap berdi. Sonymen qatar onyń eńbekterin taldady.
Ybyraı Altynsarın-qazaqtyń asa kórnekti aǵartýshysy, aqyn, jazýshy, etnograf, folklorshy jáne qoǵam qaıratkeri. Onyń shyn aty - Ibrahım. Ol 1841 jyly 20 qazanda qazirgi Qostanaı oblysynda dúnıege kelgen.
Y. Altynsarın orys, arab jáne tatar tilderin erkin meńgergen jáne halyqty aǵartýdy armandaǵan. Ol kezde qazaq balalaryna mektep ashý óte qıyn bolatyn. Degenmen, 1864 jyldyń qańtarynda Ybyraıdyń tikeleı qatysýymen alǵashqy qazaq mektebi ashyldy.
