Almatyda Ybyraı Altynsarın eskertkishi ashyldy
ALMATY. QazAqparat- Almatyda aǵartýshy, etnograf, qoǵam qaıratkeri ǵalym Ybyraı Altynsarınniń eskertkishi qoıyldy, dep habarlaıdy QazAqparat tilshisi.
Y. Altynsarınniń 180 jyldyǵyna oraı ashylǵan eskertkish Altynsarın kóshesiniń boıynda ornalasqan. Saltanatty sharaǵa Almaty qalasynyń ákimi Baqytjan Saǵyntaev, Qazaqstan Jazýshylar odaǵynyń tóraǵasy Ulyqbek Esdáýlet, Ulttyq ǵylym akademııasynyń prezıdenti Murat Jurynov, zııaly qaýym ókilderi men qoǵam qaıratkerleri qatysty.
Іs-shara barysynda qala ákimi Baqytjan Saǵyntaev Ybyraı Altynsarınniń murasy tek bir halyq pen etnos úshin ǵana emes, búkil adamzat úshin asa qundy ekenin atap ótti. Almaty ákimi bilim berý salasynyń qala men memleketti damytýdaǵy mańyzyn atap ótti. Sondyqtan Almatyda muǵalimderdi qoldaý, jańa mektepter salý jáne oqý protsesine ınnovatsııalyq ıdeıalardy engizý boıynsha barlyq sharalar qabyldanýda. Qola men granıtten jasalǵan alty metrlik eskertkishtiń avtory Danııar Sarbasov, Álimjan Toqbaev, Dýlat Úsenbaev jáne Qanat Begýlıev.
