Almatyda «ıARKOkrosty» ótkizýge 10 tonna boıaý ketti
ALMATY. QazAqparat - Almatyda «ıARKOkros» marafony ótti. Jelaıaqtardy boıaýǵa 10 tonna boıaý ketti, dep habarlaıdy QazAqparat tilshisi.
Uıymdastyrýshylardyń aıtýynsha, sporttyq sharaǵa qatysqandar men tamashalaýshylardyń sany 12 myńnan asyp ketken.
Aıta ketý kerek, bıylǵy shara Almatyda osymen 5-ret ótkizilip jatyr.
«Tek qana Almatyda ótken krostyń ózine ondaǵan tonna boıaý ketti. Bıyl geografııamyz ulǵaıyp, Astana, Shymkent, Pavlodar, Qaraǵandy, Býrabaı, Aqtóbe qosyldy. Buryn tek sporttyq shara bolsa, qazir úlken festıvalge aınaldy. Qazir festıval barysynda óner, sport, ekstrım aımaqtary bar. Kafeler men restorandar tartylyp jatyr. Qalalyqtar otbasymen kelip demala alady»,- dedi joba úılestirýshisi Aleksandra Komleva. 
Búgin barlyǵy 10 aınalym boldy. Árqaısysynda shamamen myń adam jarysty. Jelaıaqtarǵa ekologııalyq turǵydan taza túrli-tústi boıaý shashyldy.
Dana Muhametjanova «ıArkokross» jobasyna osymen ekinshi ret kelip otyr. 
«Jyl saıyn festıval deńgeıi kóterilip keledi. Salaýatty ómir saltyn ustanýǵa múmkindik beretin mundaı meıramdar jyl saıyn ótip turady dep úmittenemiz. Túsken qarjynyń barlyǵy qalany kógaldandyrýǵa jumsalady eken. Bir oqpen eki qoıandy atyp jatyrmyz. Adamǵa keremet kóńil-kúı syılaıdy», - dedi 11 jastaǵy Alýa Segizbaeva men 7 jastaǵy Aısha Bolatova. 
«Alǵashqyda taýǵa kóteriler tusta qıyn boldy. Biraq birinshi stansadan soń bizdi túrli-tústi boıaýmen boıaı bastady. Óte qyzyq boldy. Biraq taýdan túskende júgirmeımin deseń de júgiresiń. Taǵy da qatysqymyz keledi», - dedi qyzdar.
