Almatyda ıAndeks taksı júrgizýshisi jolaýshyǵa pyshaq salǵan
ALMATY. QazAqparat – Almatyda ıAndeks Taksı qyzmetiniń júrgizýshisi jolaýshyǵa pyshaq salǵan. Oqys oqıǵaǵa qatysty polıtsııa departamenti túsinik berdi, dep habarlaıdy QazAqparat tilshisi.
PD habarlaýynsha, atalǵan derekke baılanysty QR QK 107-babymen qylmystyq is qozǵaldy. Taǵaıyndalǵan tıisti saraptamalar nátıjesinde protsessýaldy sheshim qabyldanady.
Bul oqıǵa áleýmettik jelide jarııalanǵan bolatyn.
Almatylyq áıel ıAndeks taksı qyzmetin paıdalanǵan. Taksı júrgizýshisi ony dittegen jerine jetkizýden bas tartqan. Kelispeı daý shyǵarǵan áıelge taksı júrgizýshisi kúsh qoldanyp, pyshaq salǵan.
Bul oqıǵaǵa baılanysty ıAndeks Go servısiniń baspasóz qyzmeti túsinik berdi.
«Servıstiń qoldaý qyzmeti jolaýshymen baılanysta. Júıede júrgizýshiniń qyzmetine buǵat qoıyldy. Aıta keteıik, júıedegi aqparatqa sensek, qyzdy taksıst dittegen jerine jetkizip salǵan. Jolaýshynyń aıtýynsha, kólikte eshkimde qarý bolmaǵan. Bolǵan oqıǵanyń mán-jaıyn quqyq qorǵaý ókilderi anyqtaýy kerek. Biz óz tarapymyzdan birlesip áreket etip, aqparat berýge daıynbyz», - dedi servıstiń baspasóz qyzmetinen.
