Almatyda ıadrolyq synaqtarǵa tyıym salýdy qamtý týraly kelisimdi qoldaýdyń halyqaralyq oqý ortalyǵy ashyldy

dep habarlaıdy QazAqparat.

QR Ulttyq ıadrolyq ortalyǵynyń Bas dırektory Qaırat Qadyrjanovtyń aıtýynsha bul oqý ortalyǵyn qurý elimizdegi seısmıkalyq qaýipsizdik máselelerin sheshýde óz paıdasyn tıgizbek. «Bul ortalyq Orta Azııa aýmaǵynda seısmıkalyq baqylaýdy úılestirý men damytýǵa múddeli. Sonymen qatar halyqaralyq júıege sáıkes ıadrolyq synaqtardyń monıtorıngi boıynsha jalpy mindetpen seısmıkalyq apattyń qaýip-qaterin tómendetýge qatysý», deıdi Q.Qadyrjanov.

Atalmysh ortalyqta dárister men tájirıbelik sabaqtar júrgizilmek. Kýrsqa qatysýshylar Qazaqstannyń ulttyq derekter ortalyǵynyń qyzmetimen tanysady. Olardy monıtorıngti derektermen tájirıbelik jumysqa baı dúnıejúzilik seısmologııanyń bedeldi ortalyqtarynda synaqtan ótken QUDO mamandary oqytady. Ortalyq qyzmetiniń nátıjesi Ortalyq Azııanyń ár túrli seısmologııalyq uıymdary úshin daıyndalǵan maman-sarapshy bolyp tabylady.