Almatyda «Y. Altynsarın - 2016» pándik olımpıadasynyń jeńimpazdary anyqtaldy
ALMATY. QazAqparat- Bıyl aqpan aıynyń sońynda elimiz boıynsha «Y. Altynsarın - 2016» pándik olımpıadasy ótkizilgen bolatyn. Bilim saıysynyń qorytyndysy shyqty. Osyǵan baılanysty, Almatyda Qazaq memlekettik qyzdar pedagogıkalyq ýnıversıtetinde respýblıkalyq «Y. Altynsarın - 2016» pándik Olımpıadasynyń jeńimpazdary marapattaldy. Bul týraly atalǵan joǵary oqý ornynyń baspasóz qyzmetinen habarlady.
Olımpıadanyń marapattaý rásimin ýnıversıtet rektory Dınar Nóketaeva ashyp, barsha júldegerlerdi jeńisterimen quttyqtady.
«Bıyl respýblıkalyq deńgeıde ótken «Y. Altynsarın-2016» pándik olımpıadasyna elimizdiń barlyq oblystarynan 3500-ge jýyq oqýshylar qatysty. 600-ge jýyq qatysýshy olımpıadanyń deńgeıinen ótip, QazMemQyzPÝ-niń oqý tólemaqysyna 10% jeńildik quqyǵyna ıe bolsa, rektor grantyna 24 oqýshy ıe boldy», - dedi D. Nóketaeva.
Oqý ornynyń basshysy mektep túlekterine І dárejeli dıplomdardy tabys etti. Al, ІІ jáne ІІІ dárejeli dıplomdardy oqý orynnyń Birinshi prorektory Bahodır Álıev pen oqý isi jónindegi prorektor Ádilet Toıbaev tabystady.
Shara barysynda Qyzdar ýnıversıtetiniń «Qos ıplomdy bilim berý baǵdarlamasy» boıynsha Mıssısıpı memlekettik ýnıversıtetin bitirgen túlegi Sevara Shahapova sóz sóılep, júldegerlerdi jeńisterimen quttyqtady.
«Mektepte oqyp júrgende shet elde oqımyn degen arman úsh uıyqtasam túsime kirmegen edi. Aldyńa maqsat qoısań bári de múmkin eken. Eki dıplom alýǵa múmkindik jasaǵa kıeli qara shańyraqqa alǵysym sheksiz.
«Talpynǵan - jeter muratqa» demekshi, jaqsy oqysańyzdar, talpynsańyzdar arman, maqsattaryńyzǵa jete alasyzdar», - dedi qazirgi tańda Nazarbaev zııatkerlik mektebinde ustaz bolyp júrgen ýnıversıtet túlegi S. Shahapova.
Shara qonaqtary ýnıversıtettiń kampýstaryn, kitaphana men sport keshenderin aralap kórip, ár mamandyq týraly, usynylatyn jeńildikter týraly tolyq maǵlumat aldy. Sondaı-aq, Naýryz merekesine arnap jaıylǵan dastarhannan dám tatyp, arnaıy daıyndalǵan kórme men Naýryz merekesine arnalǵan kontserttik baǵdarlamany tamashalady.
Aıta ketelik, orta mektepterdiń 11-shi synybynyń oqýshy qyzdary qatysyp, qazaq tili men ádebıeti, orys tili men ádebıeti, aǵylshyn tili, fızıka, bıologııa, geografııa, dúnıejúzi tarıhy jáne hımııa pánderi boıynsha baqtaryn synaǵan edi.
Ár páninen 1, 2, 3 oryndy ıelengen oqýshy óziniń tańdaǵan páni mamandyǵyna saı kelse jáne UBT-ǵa qajetti ótý balyn alǵan jaǵdaıda shákirtaqysyz ýnıversıtet rektorynyń grantyna ıe bolady. Al, júldeli oryn almaǵandarǵa, biraq Olımpıadanyń deńgeıinen ótkenderge QazMemQyzPÝ-ǵa birinshi kezekte qabyldanýǵa quqyq beretin sertıfıkattar tabys etilip, oqýǵa túsýge 10% jeńildik jasalady. Olımpıada jumysynyń maksımaldy kórsetkishi - 100 ball.
Sonymen, bıyl jeńimpaz atanǵan 24 oqýshynyń tizimi tómendegideı:
|
№ |
Aty-jóni |
Oblys, qala, mektebi |
|
Geografııa |
||
|
Orynbasarova Madına Janabaevna |
Qyzylorda qalasy, №7 orta mektep |
|
|
Ońǵar Alýa Hanatqyzy |
Qyzylorda qalasy, №7 orta mektep |
|
|
Nurmahanbet Aıdana Malıkqyzy |
Jambyl oblysy, Qordaı aýdany, D. Qonaev atyndaǵy №1 mektep-gımnazııa |
|
|
Dúnıe júzi tarıhy |
||
|
Amangeldıeva Nargız Qanatqyzy |
Qyzylorda oblysy, Syrdarııa aýdany, Shaǵan aýyly, №37 orta mektep |
|
|
Ilıchkına Darıa Alekseevna |
Jambyl oblysy, Qordaı aýdany, A. Pýshkın atyndaǵy №7 orta mektep |
|
|
Shakarmanova Ulmeken Muhtarqyzy |
Qyzylorda qalasy, №261 orta mektep |
|
|
Bıologııa |
||
|
Narmanova Lázzat Arystanbekqyzy |
Qyzylorda qalasy, I.V. Panfılov atyndaǵy №5 mektep-lıtseı |
|
|
Erbolatova Elvıra Erkinqyzy |
Atyraý oblysy, Qurmanǵazy aýdany, B. Begalıev atyndaǵy jalpy orta mektep |
|
|
Kenjebaı Ásel Seıilhanqyzy |
Qyzylorda oblysy, Qazaly aýdany, Áıteke bı kenti, №266 mektep-lıtseı |
|
|
Fızıka |
||
|
Pernebek Toǵjan Erkinqyzy |
OQO, Qazyǵurt aýdany, J. Qapparov atyndaǵy №5 mamandandyrylǵan fızıka-matematıkalyq mektep-ınternaty |
|
|
Tlepbaeva Moldır Maratovna |
Jambyl oblysy, Qordaı aýdany, B. Bóltirikova atyndaǵy №4 orta mektep |
|
|
Darmenova Aıgerım Ýralbaevna |
Jambyl oblysy, Qordaı aýdany, B. Bóltirikova atyndaǵy №4 orta mektep |
|
|
Hımııa |
||
|
Saǵynova Araılym Ǵabıtqyzy |
Atyraý qalasy, S. Muqanov atyndaǵy №10 orta mektep |
|
|
Mýsa Aıdana Bekturqyzy |
Jambyl oblysy, Qordaı aýdany, D. Qonaev atyndaǵy №1 mektep-gımnazııa |
|
|
Joldan Arýjan Asanqyzy |
Jambyl oblysy, Talas aýdany, Sh. Symahanuly atyndaǵy orta mektep |
|
|
Aǵylshyn tili |
||
|
Týsýpova Gaýhar Kazbekkyzy |
Taraz qalasy, Aısha bıbi atyndaǵy daryndy qyz balalarǵa arnalǵan mamandandyrylǵan qazaq-túrik mektep-ınternaty |
|
|
Tleýqul Arýjan Baýyrjanqyzy |
Taraz qalasy, Y. Altynsarın atyndaǵy №49 mektep-gımnazııa |
|
|
Qaısar Narqyz Erbolqyzy |
Qyzylorda qalasy, Q. Muhamedjanov atyndaǵy №1 mektep-gımnazııa |
|
|
Qazaq tili men ádebıeti |
||
|
Jarımbetova Sýlýhan Berikqyzy |
Taraz qalasy, I.V. Panfılov atyndaǵy №39 mektep-gımnazııa |
|
|
Jaqan Móldir Nurlanqyzy |
Qaraǵandy qalasy, S. Sattarov atyndaǵy №57 mektep-lıtseı |
|
|
Ámerqul Nuraı Maıdanqyzy |
Jambyl oblysy, Qordaı aýdany, B. Bóltirikova atyndaǵy №4 orta mektep |
|
|
Orys tili men ádebıeti |
||
|
Dolgıh Darıa Aleksandrovna |
ShQO, Borodýlıha aýdany, Jezkent aýyly, «Jezkent» lıtseıi |
|
|
Kalıvoshkına Darıa Vladımırovna |
ShQO, Semeı qalasy, №10 jalpy bilim beretin orta mektep |
|
|
Jalǵasbaeva Dınara Maratqyzy |
Qyzylorda oblysy, Qarmaqshy aýdany, T. Kómekbaev atyndaǵy №250 mektep-lıtseı |
|
