Almatyda «Y.Altynsarın-2013» olımpıadasynyń jeńimpazdary marapattaldy
ALMATY. 22 mamyr. QazAqparat - Almatyda Qazaq memlekettik qyzdar pedagogıkalyq ýnıversıtetinde respýblıkalyq «Y.Altynsarın-2013» olımpıadasynyń jeńimpazdary saltanatty túrde marapattaldy.
Y.Altynsarın atyndaǵy bilim básekesi aımaqtarda oblystyq departamentterdiń jáne aýdandyq bilim berý bólimderiniń qoldaýymen Almaty oblysynyń Taldyqorǵan, Jarkent qalalary men Raıymbek aýdandarynda, Jambyl oblysynyń Taraz qalasynda, Qordaı aýdanynda, Ońtústik Qazaqstan oblysynyń Shymkent jáne Túrkistan qalalarynda, Qyzylorda oblysynyń Qyzylorda, Qazaly, Qarmaqshy qalalarynda, Jańaqorǵan aýdanynda, Shyǵys Qazaqstan oblysynyń Óskemen qalasynda ótti.
Ýnıversıtet basshylyǵynyń sheshimimen 11 synyptyń oqýshylary arasynda uıymdastyrylǵan bilim saıysynyń jeńimpazdary men júldegerlerine rektorlyq granttar beriledi jáne QMQPI-ǵa túsýge jeńildikter qarastyrylady.
Aıta ketken jón, ótken jyly Y. Altynsarın atyndaǵy olımpıadanyń 21 úzdik qatysýshysyna atalmysh oqý ornynyń rektorlyq granttary berilgen.
